Regen張惠雅掀起事端︳Winkie黎美言提HotCha舊隊友當場爆喊 好多單打說話：我喊唔係扮嘢

Winkie黎美言、Regen張惠雅同Crystal張紋嘉於2007年組成組合HotCha，不過就於2014年宣佈拆夥，成軍不夠10年。三人分開發展多年，近日Regen以獨立歌手到電台宣傳時，再次重提昔日隊友之間的問題，大爆Winkie是三人中最多拗撬一個，結果惹來對方不滿，要在網上發文道歉；正當事情看似告一段落時，Winkie今日（25日）出席活動時，提及舊隊友時情緒失控，一度爆喊要暫停訪問。

{{hket:inline-image name="10818b6e-218b-4b88-b55e-4921cc8e8e31.jpg"}}{{/hket:inline-image}}

{{hket:inline-image name="1024_46f4f6d4-75ac-426a-8fb0-40c45153d4e7.jpg"}}{{/hket:inline-image}}

同場加映：金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」

{{hket:ul-video id="5644"}}{{/hket:ul-video}}

HotCha其實曾於2018年合體開周年演唱會，當時三人已表明成員間經常嗌交，Regen日前做訪問又重提舊事，似有「抽水」之嫌，難怪Winkie會在網上發長文駁斥。Winkie今日（25日）同好友Sherman鍾舒漫為網台錄影節目，當訪問時提起舊隊友即爆喊，一度要暫停做訪問，待情緒平復才再繼續受訪。Winkie連珠炮發表示：「我情緒唔係咁好，但我喊唔係因為扮嘢，我個樣生得惡，呢方面係比較蝕底，但我無攻擊性、好善良，做呢行喊都有壓力，我提起佢兩個（舊隊友）就係咁（喊）；我都可能對佢哋兩個造成傷害，但我唔會用媒體或網上力量去傷害佢哋，我嗰樣無佢哋咁甜美同入屋，亦無諗過入娛樂圈係咁受傷害，我一心剩係想唱歌同跳舞。」

Regen張惠雅訪問重提HotCha解散因由 黎美言Winkie不滿被重提：不要扮成弱者【下一頁】

對於Regen昨日在網上發文道歉，並很接受Winkie有話直說的性格。Winkie話：「Regen唔係傷我最深一個，6年前轉行做生意時已經避開咗，佢哋隔幾年出嚟一次話頂我唔順，有無諗過我點同fans交待，佢哋會影響人哋嘅形象。」她又指Crystal完全欠溝通，是傷害她最大的一個，但是怎樣被傷害？Winkie答：「我死都唔會講，就算死咗入棺材都唔會講，喺呢個圈入面，邊個忍到最後，嗰個就贏。（同Crystal已經唔係朋友？）不嬲都唔係咁好！」

HotCha開騷大方捧場 薛世恒重提Regen︰緋聞九級流【下一頁】

Winkie忽然舊事重提話多年前打拳賽時，遭到一名「奇怪女子」打瘀下巴，事後Regen同Crystal反指她出手重，令她深感受到傷害，形容跟兩位前隊友只能是同事關係，「有咩事唔可以閂埋門講呢？好多單單打打嘅說話真係大把，但唔講喇！其實解散咗HotCha之後嗰三年，我都成日有反省自己，如果有日佢哋反省完道歉，即係我哋和解嘅時候。」她又話有fans希望她們舉行成軍15周年演唱會，她有去問過Regen，但對方以情緒未穩定為由婉拒，所以暫時擱置。

（↓點擊放大睇圖片↓）

同場Sherman透露跟Winkie相識多年，大家是同期入行，關係十分友好，「佢係一個直率同善良嘅人。（Winkie同舊隊友交惡？）我同其他兩位都係朋友，不過同Winkie溝通比較多。（會做和事佬？）呢個時候畀啲空間佢哋，咁大個人知道有啲位唔可以干涉。」而Crystal在社交平台表示唔會再回應事件。

{{hket:inline-image name="129340E2-8777-4357-A117-F9BA8E69A975.jpeg"}}{{/hket:inline-image}}

採訪：倪小珊

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】